Vatan, Mustaqillik haqida she’rlar to’plami.

Vatan haqida she’rlar.

Maktab o’quvchilari,bog’cha tarbiyalanuvchilari uchun mustaqillik va Vatan, O’zbekiston  haqida saralangan she’rlar to’plamidan bahramand bo’ling.O’zbekistonimizga bag’ishlangan she’rlar guldastasi.

Vatan

(Bolalarga)      Hamid Olimjon.

Shodligim ko’kka sig’mas,
Bitmas baxtim bor manim.
Meni baxtiyor qilgan,
Shu engilmas Vatanim.

Dushmanga omon bermas,
Har bir askar otgan o’q.
Dunyoda menikiday,
Katta va zo’r vatan yo’q.

Yovning o’qi, hech qachon
Askaridan o’tmaydi.
Nishon olsa osmonni
Samolyotga etmaydi.

Shuning uchun qishloqlar
Kun kechirar erkin tinch,
Shaharlarning qalbida
Kecha va kunduz sevinch.

Tavsiya etamiz: Vatan va Vatanparvarlik haqida insho.

Vatan.

Dilingizda bo’lsin quvonchi g’ami
Kitoblarda emas,qog’ozda emas
Bo’zda yashaysizmi,Buxorodami
Siz bilan barobar u olsin nafas

Bolangizni belab qo’ying tush payti
Tollar belanchakni uchirsin ko’kka
Ammo siz boshida allalar ayting
Vatan tuyg’usini soling yurakka

Ona To’marisning shonli qismati
Jaloliddin tig’i taratgan jarang
Bizning yurakkacha balki yetmasdi
Bo’lmaganda xalkim allang,xotirang

Xazrat Sohibqiron tuzuklaridan
Ko’chib,fikrlarni yoritsin surur
Dillirni charog’on etsin Navoiy
Qalami taratgan hikmatli shuur

Vatan-yurakdagi quvonch,qayg’u,shasht
Uni tirik saqlar yurakdagi sas
Vatan-bamisoli quyoshga o’xshash
Vatan ham odamdek oladi nafas.

Mustaqillik muborak.

Do’ppingizni ko’kka oting
Orzu osmoniga yeting
Ozod yurtni obod eting
Bugungi kun baxtdan darak
Mustaqillik kuni muborak

Madh etgancha sho’x ovozing
Qadamlarni dadil bosing
Parvoz uzra qanot yozing
Yoshlardir buyuk kelajak
Mustaqillik kuni muborak.

Mustaqilligimizning 33 yilligiga bag’ishlanadi.

Ilxom berar dilimga,
Go’zal chiroying sening.
Olam ichra yagona,
Tabarruk noming sening.

Faxr bilan kuylayman,
Sening buyuk nomingni,
O’paman ko’zga surtib,
Shu aziz tuprog’ingni.

Naqorat

Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

G’ururimsan sen o’zing,
Oqlayman non u tuzing.
Serquyosh o’lkam mening
Go’zalsan baxor kuzing.

Naqorat
Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

Senla baxtga to’laman,
Eng baxtiyor bo’laman.
Onamdayin mexringni,
Aytgin qaydan topaman.

Naqorat

Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

Baxtiyor yoshlik berding,
Ulg’aydim baxtga to’lib,
Xizmatingda bo’layin,
Kuylayin qalbim to’lib.

Naqorat

Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

O’zbekistonim mening,
Noming kabi buyuksan.
Azizsan barchamizga,
Onamizdek suyuksan.

Naqorat

Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

Bugun yurtim ulug’vor,
Qutlug’ ayyoming sening,
Muborak bo’lsin deyman
Shu 33 yoshing sening.

Xayrli tong o’zbegim.

Xayirli tong U‌zbegim
Menig shirin su‌zligim
Oppok, k,alb imonligim
Bu kun u‌tsin xayirli

Xayirli tong U‌zbegim
Tillolarga tengligim
Sizga yaxshi tilagim
Ku‌rganda ku‌rishgudagim
Bu kun u‌tsin xayirli

Xayirli tong U‌zbegim
Egnida tu‌n boshda du‌ppi belboґligim
Xar ishga tayyorligim
Bu kun u‌tsin xayirli

Xayirli tong U‌zbegim
Doim duogu‌yligim
Boshda turar ru‌molim
Ximoyachi k,u‌rґonim
Bu kun u‌tsin xayirli

Xayirli tong U‌zbegim
K,ora munchok, ku‌zligim
Umrlarga davomchim
Аllox bergan k,uvonchim
Bu kun u‌tsin xayirli

Xayirli tong U‌zbegim
Shiringina su‌zligim
Pok k,alb imonligim
Jon kuyar kuyunchagim
Bu kun u‌tsin xayirli

Boshimdagi davlatim
Yurganimda savlatim
Ota Onam mansabim
K,ilsin dunyo xavasin
Bu kun u‌tsin xayirli

Xayirli tong U‌zbegim
Sirdoshim jigarlarim
Sizga fido bu jonim
U‌zbegim paxlovonim
Bu kun u‌tsin xayirli.

Ona yurtim.

O’zbekiston go’zal yurtim
Bo’lsin omon osmonim
Quyosh tepangda tursin
Tinchlik bo’lsin zamonim

Osmoni.musaffo yurt
Yerda suvi zilolim
O’zbegim qo’ling yetsin
Butun jahonga doim

O’zbekiston elimga
Necha yillar yog’di qor
Endi quyoshi chiqdi
Qor ketib keldi bahor

O’z yurtidan ketganlar
Musofirlikda yurib
Tinchlik bayrog’i bilan
Quvonib kirib keldilar

Vatan uchun jon bergan
Do’stlar,oradan ketdi
Tumanli kunlar o’tdi
Istiqlol bizga yetdi

O’zbekiston ona yurtim
Bo’lsin omon osmonim
Quyosh tepangda tursin
Tinchlik bo’lsin zamonim.

Jonim ichra jonimdursan, O’zbekiston.

Bu dunyoda jannatmonand yerlar bisyor
Bu dunyoda oq-u qora ellar bisyor
Ammo yo’qdir bu dunyoda sendek diyor
Jonim ichra jonimdirsan,O’zbekiston!

Tuprog’ingda ajdodlarim izi qolgan
Bobolarim terlarining tuzi qolgan
Har gardida momolarim ko’zi qolgan
Jonim ichra jonimdirsan, O’zbekiston!

O’zbek elim,nuri diydam,qarog’imsan
O’zbek elim,osmonim-u tuprog’imsan
Ham quvonchim,ham baxtimu firog’imsan
Jonim ichra jonimdursan, O’zbekiston

Beshigingda allalading dunyolarni
Dunyo ochgan necha-necha daholarni
Bolam deding,yuraklari adolarni
Jonim ichra jonimdirsan, O’zbekiston!

Sohibqiron qo’llarida qalqon bo’lding
Ulug’bekning nigohida osmon bo’lding
Mirzo Bobur yuragida armon bo’lding
Jonim ichra jonimdirsan, O’zbekiston!

Qo’li qadoq dehqon elim,sulton elim
Ko’ksi yurtga doim balogardon elim
O’z yurtiga sohibqiron hoqon elim
Jonim ichra jonimdirsan, O’zbekiston!!

O’zbek Qomusi.

Men bechora bir odamman
Ertangi kunim
Ne bo’lishini bilmaydigan ojiz bandaman
Yeru osmon o’rtasida topmagan qo’nim
Botmonimda botin toshu zohir xandaman

Yolg’izlikni rutubatli ko’chalarida
Ne-ne oltin fasllarim o’tdi junjikib
Ig’vo,fitna,hasad bilan to’lgan bu dunyo
Har bir onimda mingta etdi bir hasratimni
Xira tuman orasida butkul koinot
G’ira-shira ilg’ar edim mamlakatimni

Eslar edim Buxoriyni,Yassaviyni ham
Ha,ha ayri tushmagandi xotirotimdan
Faqat ular chalinardi ko’zimga mubham
Lekin sira ketmas edi xayolotimdan

Ham Temurbek,ham Ulug’bek,Alisher,Bobur
Sizlar tuzga ul saltanat-Saltanat bo’ldi
Ulug’ tarix Turkistonga cho’ng guvoh erur
Davlat edik,davlat edik, u davlat bo’ldi!

Emukdoshim,ey qardoshim quloq tut menga
Ushbu ko’hna kahkashonda mag’rur tutgin bosh
Sen zaminga loyoqdirsan,zamin ham senga
Senikidir endi bu yer senikidir quyosh

Qo’lingda erk,boshda yalov,tilingda surud
Vataning bor,bola-bog’chang,or-nomusing bor
O’zbekiston deb atalgan muqaddas hudud
O’z Davlating,Mamlakating,o’z Qomusing bor.

Vatan.

Yòq,men Vatan deya siģinmam aslo,
Oyoq ostimdagi oddiy tuproqqa.
Yòq men bino qòyib yurmayman,xatto
Shu tuproqda òsgan serne’mat boqqa.

Vatan bòlolmagay menga mutlaqo,
Baģrida boyliklar saqlagan toģlar.
Tubida javohir asragan daryo,
Poyimga yastangan bahmal òtloqlar.

Vatan muqaddas,deb kuylaganimda,
Seni òylayman ey qodir inson!
Dunyo tarixidan sòylaganimda,
Sen bilan namoyon bu kòhna jaxon.

Menga nechun kerak bu cheksiz dunyo,
Nechun menga boģ-roģ,Javohiru zar.
Gung toģlar-Oddiy tosh,
Tuproq-Xor tuproq
Sening muhabbating tushmasa agar.

Osmon nima emish
Nima emish quyosh,
G’arib notavondir sensiz koinot,
Kim ham yolģizlikka bera olar dosh,
Mehring baxsh etmasa umr va hayot.

Men ham bu olamga nechun kerakman,
Nima farq qilardi tuproqdan tanim,
Agar qaroģingdan topmasam maskan,
Qalbingda topmasam,Mòjas VATANIM

Meni olib keting.

Tinch edi hamma yoq, tinch edi har yon,
Titradi go‘yoki yer bilan osmon.
Boshimga xastalik tushdi nogahon,
Meni olib keting o‘z diyorimga.

Issiq jon, deydilar, jon bo‘lsa bo‘lar,
Payt kelsa chechak ham sarg‘ayar, so‘lar.
Kim bilgay paymonang qay yerda to‘lar,
Meni olib keting o‘z diyorimga.

Ginam bor bu yurtning na havosidan,
Mehribon doktorning na davosidan.
Qaytarmang xastani muddaosidan,
Meni olib keting o‘z diyorimga.

Sha’nimga g‘ayurlar bir so‘z demasin,
Har kim o‘zi tortar umr kemasin.
Hech kimni mushtoqlik dardi yemasin,
Meni olib keting o‘z diyorimga.

Sehrini aytishga bormi hech imkon!
Yo‘q, o‘zga yurtlarda berolmasman jon,
Meni olib keting o‘z diyorimga.
1981, Moskva

Abdulla Oripov

O’zbekistonim, senga

Aylayin qalbimni tortiq nurli bo‘stonim, senga,
Sen vatandirsan, fidodir tanda bu jonim senga.

Bebahosan, asragayman gavharim, deb men seni,
Sen qarog‘ bo‘lsang agarda, sadqa mujgonim senga.

Sendan ayru dam uzundir, lahzalar ham yilga teng,
Bir umrga lek barobardir kerak onim senga.

Har bir ahling bitta yulduz, kavkabistonim o‘zing,
To hayotdirman, charog‘im, shu’layi shonim senga.

Yoru do‘stlar jam bo‘libdir, to‘y qilur o‘zbek elim,
Men degayman xush kelibsan, do‘stu mehmonim, senga.

Xizmatingga shay erurman, mehnatingda ham o‘zim,
Baxtiyorman, sarf etolsam borki imkonim senga.

Dilda borim sen uchundir, qo‘lda torim sen uchun,
Qayda bo‘lsam talpinurman, O’zbekistonim, senga.

O‘zbekiston.

Yurtim, senga she’r bitdim bu kun,
Qiyosingni topmadim aslo.
Shoirlar bor, o’z yurtin butun —
Olam aro atagan tanho.
Ular she’ri uchdi ko’p yiroq,
Qanotida kumush diyori,
Bir o’lka bor dunyoda, biroq
Bitilmagan dostondir bori:
Faqat ojiz qalamim manim,
O’zbekiston, Vatanim manim.

Tinch bo‘lsin osmonimiz.

Sergakmizu hushyormiz,
Yurt ishiga tayyormiz.
Har ishda madadkormiz –
Tinch bo‘lsin osmonimiz,

Biz Vatan posbonimiz.
Bizni kutar baxt-iqbol,
Porloq bo‘lar istiqbol.
Mangu bo‘lsin istiqlol –

Tinch bo‘lsin osmonimiz,
Biz Vatan posbonimiz.
Vatan –ko‘z qarog‘imiz,
Muqaddas tuprog‘imiz.

Yovga shay yarog‘imiz –
Tinch bo‘lsin osmonimiz,
Biz Vatan posbonimiz.
Avlodlari baxtga yor,

Ajdodlari madadkor.
Kelajagi ulug‘vor –
Tinch bo‘lsin osmonimiz,
Biz Vatan posbonimiz.

Mustaqil O’zbekiston.

Kindik qonim to’kilgan tuproq
Tuprog’ida o’sajak yaproq
Ona xalqim ko’ngli buncha oq
Ona yurtim O’zbekistonim

Ko’ksimiz tog’ ko’nglimiz bog’
Zabonim bor hayotimiz chog’
Shukur deyman ota-onam sog’
Ona yurtim O’zbekistonim

Senga deyman shukurlar shukur
Hizr nazar solgan bu Vatan
Xalqimga xos ezgulik g’urur
Ona yurtim O’zbekistonim

Yolg’izimsan go’zalim onam
Sen men uchun yakka-yagona
Dunyo ichra dur-u durdonam
Ona yurtim O’zbekistonim.

Tavsiya etamiz:  Bolalar uchun vatan haqida she’rlar.