Ustoz haqida she’rlar.
Ustoz haqida she’rlar.
Ustozlar haqida she’rlar. Ustoz deganda, har qaysi inson ko’nglida chuqur hurmat – ehtirom va cheksiz minnatdorlik tuyg’ulari, shu bilan birga, hech qanday boylik bilan o’lchab va ado qilib bo’lmaydigan qarzdorlik xissi paydo bo’ladi.
Inson, avvalo, unga bilim va marifat dunyosi sari yo’l ochib bergan, uning qalbiga yuksak insoniy fazilatlar hissini singdirish yo’lida zahmat chekkan ustoz va murabbiylariga nisbatan ko’nglida hamisha minnatdorlik tuyg’usi bilan yashaydi.
Oddiy muallim.
Qadri bilinadi menga endi goh,
Olis maktabimning o’sha behasham…
Navoiy-ku bizga ustozdir, biroq
Kimdir o’qitgan-ku Navoiyni ham.
Shunday buyuk zotga xarf o’rgatgan kim?…
Odddiy muallim-da, oddiy muallim.
Tuproqdek xokisor, bezovta jonlar,
Ammo qanotida tog’dek ulug’vor,
Ammo Temurdayin Sohibqironlar
Pirim deb , etgain o’pgan bor.
Qaysar Jahongirda yo’l ko’rsatgan kim?
Odddiy muallim-da, oddiy muallim.
Yo’qdan Beruniylar binolar qilgan,
Mashrabni mashhuri dunyolar qilgan,
Husaynni – Ibn Sinolar qilgan,
Iloh so’z o’rgatgan kim?
Odddiy muallim-da, oddiy muallim.
Lekin bu hayot nish-sanchiqlardan,
Qoqilsa ko’targan qo’ltiqlaridan,
Otadek ezilgan g’ussaga botsa,
Boladek quvongan yutuqlaridan,
Uyquda shogrdin o’ylab yotgan kim?…
Odddiy muallim-da, oddiy muallim.
Ulfat ko’p-u ammo bir do’sti hamroh —
Halim topolmadim undan halimroq.
Qancha ustoz ko’rdim, qancha oliygoh,
Olim topolmadim undan olimroq.
Bola yuragimda bеbaho tilsim —
Oddiy muallim-da, oddiy muallim.
Yuzga kiraman mеn Xudo xohlasa —
Yuz yildan keyin bir mo’min o’rtog’im
Ko’zim yopib qo’ysa, jag’im bog’lasa,
So’nggi safar sari otlangan chog’im,
Faqat bir kimsadan bo’ladi qarzim,
Oddiy muallim-da, oddiy muallim!
Bizning dono muallim.
Nur yog’ilar yuzidan,
Bol topamiz so’zidan,
Qolmaymiz hech izidan,
Deydilar:- Bo’lgin olim,
Bizning dono muallim.
So’zlarida ko’p ma’no,
Bo’linglar deydi dono,
Maktabda ota-ona,
Yuzida mehr lim-lim,
Bizning dono muallim.
Shirindir xo’p so’zlari,
Bizda mudom ko’zlari,
Ko’pdir o’g’il-qizlari,
Erkalar asal-bolim,
Bizning dono muallim.
Sochlariga oq tushgan,
Mudom bag’riga quchgan,
Biz bilan ko’kka uchgan,
Bizning dono muallim.
Bizning dono muallim.
Ustoz.
Bilim — katta daryo,
ustoz, siz — mirob,
Millat ravnaqida murabbiy — oftob.
Zamonlar o’zgarar, asrlar o’tar,
Quyoshdek o’zgarmas Alifbo kitob.
Kundaligim varag’ida baholar,
Goho a’lo, goho ikki jazolar.
Yo’l topdik. Ranj chekkaningiz ganj bo’ldi
— Bolalikda to’g’rilandi xatolar.
Esdalik daftarimni qo’lga oldim,
O’quvchilik davrimga nazar soldim.
Kechirgansiz qancha sho’xligimizni,
Sabru-toqatingizga qoyil qoldim.
Keksa ustozimning sochlari oppoq,
Ko’zlari mehribon chaqnaydi biroq.
Bilim va ma’rifat o’rgatar hamon,
Hayot maktabida chalib qo’ng’iroq.
O’qimasak, takror o’qitgan, tolgan,
Manglayida qator ajinlar qolgan.
O’sha ajinlari tufayli xalqni
Kelajakka eltar to’g’ri yo’l solgan.
Ustozim.
Ustozim, siz bizga bilim ko‘rsatdingiz,
Hayot yo‘lida bizni yoritdiniz.
Sizning saboqlaringiz – qimmatli meros,
Har bir so‘zingiz yuragimizda qoladi.
Bilim va tajribangiz hayotimizning o‘qituvchisi,
Siz bilan o‘rganish, ulkan baxt.
Sizning mehnatingiz bizni yuksaltiradi,
Har bir dars, har bir maslahat, yurtimizni yoritadi.
Sizning sabringiz, mehnatingiz va mehringiz,
Bizni katta maqsadlar sari yetaklaydi.
Sizning yo‘lingizda yuksalib boramiz,
Bilimlaringiz bizni eng ulug‘ maqsadga yetaklaydi.
Ustozim, sizning yordamingiz va ilmiy xazinangiz,
Biz uchun eng katta boylik, eng muhim qo‘llab-quvvatlash.
Har bir kuningiz, har bir darsingiz,
Hayotimizni yanada boyitadi, yuksaltiradi.
Sizni doimo hurmat qilamiz, eslaymiz,
Sizning ilmiy mehnatingiz biz uchun qadrlidir.
Ustoz, siz bizning qalbimizda abadiy yashaysiz,
Siz – bizning hayotimizdagi eng muhim inson.
Birinchi ustoz.
Qalam tutib qólimga ilk bor,
Yozuv chizuv òrgatgan Ustoz!
Eslagaymiz biz sizni kóp bor,
Ta’lim bergan birinchi Ustoz!
Bexuda ketmadi qilgan mehnatlar,
Siz uchun yaralsin bari roxatlar.
Óquvchimas sizga góyo farzandlar,
Jon fido aylagan birinchi Ustoz!
Bizni yetaklagan kamolot sari,
Bilim berganida ketmagin nari.
Aylanar haqiqat bularning bari,
Bilimlar chashmasi birinchi Ustoz!
Kóp ozorlar bersak ham sizga,
Barcha bilganlariz órgatdiz bizga.
Bolada shóxliklar qiladi menga,
Deb yana boshimiz silagan Ustoz!
Hanuz sog’inaman yoshlik chog’larim,
Deysiz bular mening óquvchim.
Kóchada kórganda ôg’il,qizlarim,
Qayta ôqisaydim birinchi Ustoz!
Bahorlar qaytadi yoshlik qaytmaydi,
Ôtgan bolaligim yoddan chiqmaydi.
Beg’ubor damlarim kutub tursaydi,
A’lo baholarni olardim Ustoz!
Shamshod Safar ótdi yoshliging,
Kóp beg’ubor kóp shóxliging.
Armon bóldi aziz maktabing,
Siz ardoqda birinchi Ustoz!
Tavsiya etamiz: Vatan va Vatanparvarlik haqida insho.
Ustozlar uchun she’rlar.
Sabr ham, toqat ham, bardosh ham sizsiz,
Har ikki olamda quyosh ham sizsiz.
Siz mening g‘ururim, iftixorlarim.
Tortilib, uylanib yashabsiz, bilsam,
Bir umr kuymanib yashabsiz, bilsam,
Ertam deb uylanib yashabsiz, bilsam.
Ey mening fidoyi, alp chinorlarim
Ustozim.
Ustozim bor mehribon,
Boshimizga soyabon.
O’zi juda talabchan,
Bo’lsin doim sog’-omon.
Ustozim yuzga kirsin,
Davru-davronlar sursin.
Hassaga suyanmasin,
Bizga suyanib yursin.
Ustoz bo’lmasa.
Жаҳон ободлиги устоз биландир,
Дилда қарор бўлмас, устоз бўлмаса.
Камолот, кушуфот устоз биландир,
Ишда барор бўлмас, устоз бўлмаса.
Йўқдан олим бўлди отамиз Одам,
Ҳақдан таълим олди Сарвари олам,
Сабаб оламинда бул куни бекам
Илму анвор бўлмас, устоз бўлмаса.
Ҳар йўл, ҳар соҳанинг бир пири бўлур,
Эҳтиром дил аҳлин тадбири бўлур,
Ҳар ишда устознинг бир сири бўлур,
Кашфи асрор бўлмас, устоз бўлмаса.
Ҳикмат кўп илму фан, касбу корида,
Деҳқон кетмонида, дорбоз дорида,
Ошпазнинг бир сири – гармдорида,
Шогирд ҳушёр бўлмас, устоз бўлмаса.
Устоз қадрин билур ҳар қалби салим,
Ҳаёт дарсларидан бергайдир таълим,
Диллар ардоғида – азиз муаллим,
Кимса сардор бўлмас, устоз бўлмаса.
Ustozlar
Ustozlarim farishtasiz.
Xar ishda sarishtasiz.
Dunyolarni o’rgatiz.
Doimo har ishdasiz.
Ustozlarim ustozlar.
Nur yog’ar yuzingizdan.
Ustozlarim ustozlar.
Bol tomar so’zingizdan.
Siz tomonga chopamiz.
Bag’ringizga olasiz.
Iliq edi mehringiz.
Shirin shirin so’zingiz.
Sizga ta’zim qilaylik.
Izingizdan yuraylik.
Bilim berdingiz bizga .
Ishonchingiz oqlaymiz.
Ustozlarim ustozlar.
Doimo omon bo’ling.
Ustozlarim ustozlar .
Bahtimizga sog’ bo’ling.
Ustozlarni qutlab qoʼying bayram bilan.
Umr oʼtar goho shodlik, goh gʼam bilan,
Hayot goʼzal turmushdagi koʼst, kam bilan,
Muallimlar qadr topgan kundir bugun,
Ustozlarni qutlab qoʼying bayram bilan.
Аyting doʼstlar baxt qayrda sotiladi,
Qadr-qimmat mehnat bilan topiladi,
Bugun bayram gʼam daftari yopiladi,
Ustozlarni qutlab qoʼying bayram bilan.
Vatan barcha oʼgʼling yaxshi, qizing yaxshi,
Halol rizqing, bergan halol tuzing yaxshi,
Bayramga boy bahor, yoz -u, kuzing yaxshi,
Ustozlarni qutlab qoʼying bayram bilan.
Oʼtdi qancha suronlarda sinmadi u,
Nohaqligu, roʼyolarga koʼnmadi u,
Xalqim deya, yurtim deya tinmadi u,
Ustozlarni qutlab qoʼying bayram bilan.
Ustozim deb Navoiylar bitgan gʼazal,
Ustoz aziz,ustoz ulugʼ -naqlu azal,
Shogirdlarin farzandidek suygan oʼshal,
Ustozlarni qutlab qoʼying bayram bilan.
Yaratganning marhamati ulugʼ inʼom,
Yashayverar ustoz degan moʼʼtabar nom,
Sovgʼalarning eng afzali shirin kalom,
Ustozlarni qutlab qoʼying bayram bilan.
Dunyo asli kenglarga keng,torlarga tor,
Bu kunlarga yetganlar bor,etmagan bor,
Mehri daryo, qalbi togʼlardek ulugʼvor,
Ustozlarni qutlab qoʼying bayram bilan.
Tavsiya etamiz: Mening birinchi ustozim va ustoz haqida eng sara she’rlar.
