Quyosh vannalarini me`yorlashtirish.
Quyosh vannalarini me`yorlashtirish. Quyosh vannalarini qabul qilishni 2-3 kun mobaynida salqin, soya joydan boshlagan ma’qul. Quyosh vannasi qabul qilingach, dastlab terida infralar ta’siri tufayli vujudga keladigan issiqlik eritemasi paydo bo`ladi, keyin esa oradan 4-12 soat vaqt o`tgach ultrabinafsha eritema hosil bo`ladi. Issiqlik eritemasi oradan bir soat vaqt o`tgach oqaradi va yo`q bo`lib ketadi, ultrabinafsha eritemasi esa oradan 24-48 soat vaqt o`tganidan keyingina yo`qoladi.
Quyosh vannalarini dozalashtirish faslga hamda atmosferaning musaffoligiga bog’liq holda o`zgarib turadi. eng aniq dozalashtirish issiqlik miqdoriga qarab, binobarin, quyosh nuri bilan birga olingan radiatsiya miqdori bo`yicha amalga oshiriladi. Aktinometr asbobi quyosh radiatsiyasining issiqlik ekvivalentini ko`rsatadi.
Yozda quyosh vannasi qabul qilib qorayish uchun janubda soat 10-gacha va 17-19 orasi, o`rta kenglikda soat 11 gacha hamda soat 16-18 lar orasi eng yaxshi payt hisoblanadi. Quyosh vannasini ovqatlangandan keyin oradan 30-40 daqiqa o`tgach qabul qilish kerak. Gorizantal holda chalqancha yotib, vanna qabul qilinayotgan vaqtda quyosh tomonga qarab uzatilgan bo`lishi kerak. Boshda albatta bosh kiyimi bo`lishi yoki zont tutilishi kerak. Quyosh nuri ta’sirini kuchaytirib yuborishi sababli kremlar va mazlardan foydalanish tavsiya etilmaydi.
Quyosh vannalarining yoqimli effekti bir necha hafta mobaynida saqlanib qolishi sababli bunday vannalarni faqat yozdagina emas, hatto erta kuz paytlarida ham qabul qilish tavsiya etiladi. Yurib turib vertikal holatda vanna qabul qilish foydalidir, chunki bunda quyosh nuridan foydalanish maydoni ko`proq bo`ladi. Doza ortib ketganligini ko`rsatadigan alomatlar-hushdan ketish, teri kuyishi, holdan toyish, ko`ngil ozish, haroratning ko`tarilishi, bosh og’rishi, yurakning tez urishi, uyqu buzilishi singari hollar sodir bo`lganida quyosh vannasini qabul qilish to`xtatilmog’i kerak. Teri kuygan vaqtda unga odekolon, marganetsning och qizil eritmasi va vazelin suriladi.
Odam quyosh ultrabinafsha nurining muayyan dozasiga muhtoj bo`ladi. Organizm tomonidan ultrabinafsha nurlarning iste’mol qilinishi etarli darajada D vitaminni hosil bo`lishini qiyinlashtiradi hamda bolalarda D gipovitaminozni avj olishiga sabab bo`ladi -teri oqarib ketadi, unda qon aylanishi yomonlashadi, himoya xususiyatlari pasayib, immun mexanizmlar zaiflashib ketadi. SHuning uchun ham shimol sharoitida yashaydigan, er ostida ishlaydigan, yopiq xonalarda trenirovka qiladigan sportchilarga muntazam ravishda sun’iy ultra-binafsha nur (kvarts) qabul qilish tavsiya etiladi. Quyosh vannalarini me`yorlashtirish.
